Сталиннің шөбересімен сұхбат

Сталиннiң Мәскеуде тұратын 73 жастағы немересi Евгений Джугашвили Тбилисиге келдi дегендi естiп, телефон шалдық. Отставкадағы полковник, әскери маман Е.Джугашвили екi қаланың ортасында жүредi. Оның кезiнде Ресей Думасына депутаттыққа түспек болғанын, одан соң Грузияға келiп, Компартия құрған әрекеттерiн, Сталиннiң ар-намысын қызғыштай қорғап жүргенiн бiлетiнбiз. Алайда ақсақал қазiр мұның бәрiн қойып, жай тiрлiк кешiп жатыр екен. «Кезiнде айттық, жаздық, қазiр шал болдық қой. Бұл шаруамен ұлым Яков айналысып жүр, сонымен сөйлесерсiң», – дедi ақсақал. Шалдың екi ұлы да шығармашылық мамандығын таңдапты. Үлкенi – кинорежиссер, кiшiсi Яков – суретшi.

Сонымен бiз Сталиннiң шөбересi, Глазгодағы өнер мектебiнiң түлегi Яков Джугашвилидi әңгiмеге тарттық. Жасы 37-дегi Яков Джугашвили Сталиндi әлеуметтiк тұрғыдан әдiл мемлекет құрушы, көреген саясаткер деп бiледi. Батыста бiлiм алып, жұмыс iстеп келген ол Батысты буржуазиялық қоғам деп түсiнедi.